منتديات حجازي كوول

اهلاً بك في منتديات حجازي كوول
نتمنى ان تسجل في المنتدى ( ان كنت غير مسجل ) وذلك بالنقر على خانة التسجيل في اسفل هذه النافذة
أو تفضل بتسجيل دخولك في المنتدى ( ان كنت مسجل ) وذلك بالنقر على خانة الدخول في اسفل هذه النافذة
علماً بأن منتديات حجازي كوول في تطور وتجديد

وشكراً


    تصدقون ان اهلي اطلعوا مو اهلي هـع موضوع منقول

    شاطر
    avatar
    احساس انثى
    حجـآزي مُـبدع |•°

    انثى عدد المشاركات : 707
    العمر : 24
    الموقع : المدينه المنوره
    العمل/الترفيه : طالبه ثانويه
    إحترام قوانين المنتدى :
    ماذا تعمل : طالبة
    نقاط : 10195
    تاريخ التسجيل : 14/11/2008

    تصدقون ان اهلي اطلعوا مو اهلي هـع موضوع منقول

    مُساهمة من طرف احساس انثى في الأربعاء 4 مارس - 9:59:22

    هذا الله مير يسلمكم ذاك اليوم وانا جالسه على كنب بيتنا << يعنني عندنا كنب

    واجلس اقلب في جريدة عكآظ وكل شوي طايحه على الارض

    واقرى ذاك الخبر حق الجيزاني الي بدلووه مع تركي ولخطبه

    ومير جاني احساس وشعور والهام ومها ومنيره

    وجلست افكر وافكر وافكر وغفيت شوي همن صحيت وكملت تفكير

    وقلت لايكون انا بعد مبدله << معد ورى

    واروح لأووومي وهي في المطبخ ولاهيتن تزين مصابيب :

    انا : يمه يمه يمه يمه

    مامي << يقالي كشخه : وجعتين وشو << حنونه امي

    انا : انا بنتس ؟

    أوومي :

    لا انتي بنت ام الدحمي جيرانا

    ومير ارووح اركض لغرفتي وانا ابتسي ودمعي اربع اربع: واستلقي على سريري وامسك دبي واجلس ابتسي وابتسي وابتسي << نصابه قصم ماعندي دب بس يقالي مثل هالبنات خخخخخخ

    لا صدز ومير انقز واجيب شنطتي وحطيت فيها لاب توبي وقواطي تونه وفقس

    وانزل و البس عباتي واكتب رساله وداع لاهلي واعلقها على الباب

    (( إلى اهلي النصابين الي قالو اني بنتهم وانا منيب بنتهم

    تراني برووح الى الابد

    الى القاء

    ابنتكم المخلصه ))

    المهم واروح لبيت ام الدحمي
    وادقدق الجرس عليهم

    واسمع ذاك الصووت الي يوم سمعته يفز قلبي وحسيت فيه حنان امومه << امحق

    خيرررررر وجع بلا وجع وشذا الازعاج

    ويوم انفتح الباب ومير ارجفه

    واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا مزينه لكم

    ام الدحمي : قصم موب بيدي بس رجلي غصبني << تعيش الجو بصرعه

    واجلس ابتسي صدز يعني انا بنتس صدز ؟

    ام الدحمي : هااو وشو بنته الله يصلح حالتس اقول ........<<بغيت اكتب اسمي
    طسي بيت اهلتس بس

    انا : بس انتي امي

    ام الدحمي : من زينتس عشان اصير امتس انا بحلتن بذا الي عندي تجين تنشبين لي

    انا : الله وعندي اخوان بعد <<< يعنني موب مسنتره عن جيرانهم 24 ساعه

    ام الدحمي : ....... قصم مالي خلقتس وخري من خشتي خليني اروح اكمل غسيل الحووش

    انا : طيب اذا انتي موب امي من امي(( خشتن تعبر ))

    ام الدحمي : انتي اصلا امتس خطفتس من ايطاليين ولا انتي منتب سعوديه

    انا : وانا اقووول وراني احس اني هيل حنوه وفيني زين مهوب في احد << مشكله الثقه

    ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه

    ومير ترقع في خشتي واتحطم واجلس اركض في الشارع ابتسي وشعري يتطاير <<< ودي دايم اسويها

    المهم وقلت يابنت مالتس الا اهلتس

    وارجع لبيتنا وانقز بدوون ماحد يشووفني واشقق الرساله << يعنني ما هجيت

    وانقز لغرفتي واحط قواطي التونه تحت السرير واخمد

    طبعا وبعد اسبوووع من المووضوع إلى كل الحاره دارين عن سالفتي

    وام دحيم ماخلت احد ماقالت له وكل ما شفت احد قام يضحك علي



    وصارت سالفتي على كل لسان

    ما يستفاااد :
    1- ترى اهلك هم اهلك لاتفكر تتركهم
    2- لا فكرت ان اهلك مهوب اهلك لاتروح لام الدحمي وتقول لها انتي امي

    (( بـــــــــــــانتظار الردود يـــــــا حلــــــــوين .... ســـــــــلاااااام ))

      الوقت/التاريخ الآن هو الإثنين 20 نوفمبر - 14:25:02